Bataung

Bataung venerate the lion (tau), the king of the jungle. i) <blockquote><em>Motaung oa Hlalele!</em> Motaung oa ha Machela! Oa Nthethe’a Morapeli! Oa Tebejane’a Matlatsa, tlatsa Tebejane! Oa ma-Lebele-la-khomo Ea Tšieng ho retha! Bataung ba ha-Hlalele, Petu la lekana molala. Batho ba ha Kome-Kome, Batho ha ba kometsoe, baa bolaoa. Batho ba Mponye oa Lehoroana, Batho ba ma-Lehahanyana-kopela!</blockquote> ii) <blockquote><em>Motaung oa ha Hlalele</em> Motho oa Lebese-la-khomo-e-tšoana Motho oa ma-Nthethe’a Morapeli.</blockquote> iii) <blockquote><em>Motaung oa ma-Nthethe’a Morapeli!</em> Moana-sebata-se-maro-a-maholo-sa-thota! Moo ha sa keng ho bitsoa batho likharebe, Ho ‘nang ho thoe: “itšileleng leje”!</blockquote> iv) <blockquote><em>Motaung oa ha Hlalele!</em> Oa Nthethe’a Morapeli! Phoofolo! Nyamatsane e phèla! Ngoan’a Hlalele lepetu le ka lekana molala! Batho ba Lebese-la-khomo-a-tšoana.</blockquote> v) <blockquote><em>Motaung oa ha Raphiri’a Honoane,</em> Ea n’a re Ramokekane tšolong! Litau, mabolofo! Motho oabo Mphethe’a Thulo!</blockquote> vi) <blockquote><em>Motaung oa Raphiri;</em> Motho oa ha ‘Mahouoane, hou-hou! Ea neng a bone khoeli ka metsing A re ke lefura.</blockquote> vii) <blockquote><em>Motaung oa ha Raphiri,</em> Oa Tebejane oa Matlatsa, Oa Mokatjane’a Khomo Lesiea-lesokotso.</blockquote> viii) <blockquote><em>Motaung oa ha Ramokhele oa Maphoto,</em> Lekolokotsoana la ma-Kobasia, Motho eo e-reng ha a tla ja ho thehe meriti, Ho thehe le e menyenyane ea liotloana. Batho babo Lehahanyana-kopela, Babo Mosololi’a Mokhele. Batho ba ha Ramokhele boko sa ho cheha Se ka cheha sa pitla Barolong.</blockquote> ix) <blockquote><em>Motaung oa Ramokhele’a Maphoto,</em> Lekolokotoane la ma-Kobasia, Leo e reng le tla ja meriti e thehe, Ho thehe e menyenyane ea liotloana. Oa ma-Lehahanyana le borutho. Oa ma-Montoeli a phuma, Ak’u phumele Baroanyana, U phumele ba Mokholane, u khutle. Ea sa jeng sengoatho sa maobane.</blockquote> x) <blockquote><em>Motaung oa ha Thulo, Mphethe!</em> Oa ma-Mosol’a Pail’a Tarane, Oa ma-Thulo le Thuloane, Oa ba Motebele!</blockquote> xi) <blockquote><em>Motaung oa ha ‘Musetsi’a Thulo,</em> Oa ha Mahopo o hopotsoe!</blockquote> xii) <blockquote><em>Motaung oa ha ‘Matli’a Phatšoana!</em> Ha ke ane thupula, ke ana mokhahlana. Oa ‘Mamosetsana Litšeoane.</blockquote> xiii) <blockquote><em>Motaung oa ha Molete</em> Oa Ralifalana oa Lekoane la Koena! Oa tšola-nku-e-folle-mokekeng, Baji ba eona batla bon’ala. Re tla e-ja ka moso e folile, Bakone ba se na ba e qhoqhotsa ka menoanyana!</blockquote> xiv) <blockquote><em>Motaung oa ma-Molete,</em> Oa Ralifalana, Koena! Batho ba ma-tšola-nku-e-folle-mokekeng, Bakone ba se ‘na ba e supa Ka mono-motšonyana.</blockquote> xv) <blockquote><em>Motaung!</em> Sehoja, motho oa ha Mabula! Banna ba ja mabele, ba re ke likhoahla. Motho oa ‘Malifajana Koena; Bakone ba e lobela molomo-motšo, ‘Na nku ha ke e-je e cheesa, Ke e ja e baata.</blockquote> xvi) <blockquote><em>Motaung!</em> Matoaitoai, masiea-rumo! Mahalimana ntoeng! Ha re e-ja ha re halimane, Batho ba ma-Khuto’a morole.</blockquote> xvii) <blockquote><em>Motaung, Lekolokotoane</em> La ma-Ramokhele oa Mophothu, Eo e-reng ha a tla ja meriti e thehe, Ho thehe e menyenyane oa liotloana. Motho oa ma-Montoeli le Montoetsana.</blockquote> xviii) <blockquote><em>Motaung oa Sefatsa sa Tšukulu!</em> Oa ha Seboko sa Phatšoana! Lekhofu, lekhali-motse! Le akha motho, Lijana tsa ‘m’ae li senyehe, Tsa ‘Manyebane’a Motlokoane, Oa phiri’a Mokoboki Mali-makeleketla.</blockquote> xix) <blockquote><em>Motaung oa Ramokhele’a Maphoto!</em> Oabo Thene’a Mokhutla! Ua khutlalla eaka u ngoaela lekoko.</blockquote> xx) <blockquote><em>Motaung oa ma-Rasheshe’a Mathunya!</em> Eo e-reng a tla shoa a pongoe hlooho, A sale a nyeketa ka mahetlana.</blockquote> xxi) <blockquote><em>Motaung!</em> Letotoi la ha Moletlane, Mok’hutho! Legalima, legalimana ntoeng! Ha re e-ja ha re galime. Re Bakhutho, Mapeli a ha Moletlane.</blockquote> xxii) <blockquote><em>Motaung oa Masesan’a Nkhope!</em> E reng h’a tla shoa a pongoe hlooho, A sale a kunya-kunya ka mahetla.</blockquote> xxiii) <blockquote><em>Motaung oa ma-Mophethe’a Rathulo!</em> Motho oa ma-Rakhomo-ea-Thuloana, Oa Mokhakhane mongapa-tšoana, Mokhalo sengape legotlha-Tšiame! Oa Ramotsokoane Mophathe Oa Ralikeleli’a Thulo. Esale a phathikha tsa Lehurutše!</blockquote> xxiv) <blockquote><em>Motaung oa ma-Rampai</em> Thiba-thibela likhomo le manamane a tsona, Li nyale, li nyale basali, Ba kene matlung!</blockquote> xxv) <blockquote><em>Motaung oa ma-Nthethe’a Morapeli!</em> Matsoalla, matsoalla Khosi Taung, Habo Tau marena h’a mangata! Morena ke Hlalele a inotši, Hlalele petu la lekana molala.</blockquote> xxvi) <blockquote><em>Motaung oa ha Hlalele</em> Oa Nthethe’a Morapeli, Ha Hlalele ha ho marena’a mangata, Morena ke Hlalele a inotši. Hlalele petu la lekana molala, Lebese la retha le eso kene hlofeng!</blockquote> xxvii) <blockquote><em>Motaung!</em> Ha ho Motaung e mong ntle ho ‘na, Seboko ke Motaung feela, E leng oa ha Hlalele!</blockquote> xxviii) <blockquote><em>Motaung oa ma-Nthethe’a Morapeli,</em> Oa khomo ea lebese la ha Hlalele!</blockquote> xxix) <blockquote><em>Motaung oa Sefatsa sa Tšukulu,</em> E reng motho ha a eshoa, A khaoloe hloho, A sale a kunya-kunya ka mahetlana!</blockquote> xxx) <blockquote><em>Motaung oa Makobasia,</em> Batho ba neng ba rute makhooa tinare!</blockquote> xxxi) <blockquote><em>Motaung oa ha Hlalele,</em> Hlalele, petu la lekana molala, Motho oa ha Kome-kome, Tau ha e je mahlatsa, e a hlatsitse, Nama e ile, ka itlhabela!</blockquote> xxxii) <blockquote><em>Motaung oa Hlalele,</em> Oa ma-Nthethe’a Morapeli, Motho oa lebese la khomo, La retha le eso kene hlofeng, Motho oa Hlalele, Petu la lekana molala, Ha Hlalele ha ho marena mangata, Morena ke Hlalele a inotši. Motho oa Matabohang a Rapulana, Khalapa, morena, Eo e seng oa Tau ke mang?</blockquote> xxxiii) <blockquote><em>Motaung oa Nthethe’a Morapeli,</em> Ngoana tšesana-nkope, E tla re mohla a tla shoa, A khaoloe hloho, A sale a nyeketha ka mahetlana, Ka pakana tsa melala, Oa ‘makatisa leloko, Tau ha e qaloe seforong, E bolaea motho!</blockquote> xxiv) <blockquote><em>Motaung oa Ramokhele,</em> Lekolokotoane la Makobasia, Le tla re ha le ja meriti e thehe, Ho thehe e menyane ea liotloana, Motho oa ma-Lehahanyana-kopela, Motho oa Ramokhele, Motho ea neng a rute makhooa tinare!</blockquote> ***xxv) <blockquote><em>Motaung oa Phahla,</em> Motho ea sa ruoeng khomo e chitja, Khomo e chitja ea <em>tura</em> ha e bolaoe!</blockquote> <strong>*** Some verification is required. Ha u na le tsebo ke kopa thuso le thlakisetso!</strong>