Bahlakoana

Bahlakoana are Bakoena as such venerate the crocodile (koena). These Bakoena adopted the Bahlakoana name to embrace the derision of those who thought they were outsiders (bahlaha-koana) or those who thought they were devalued like a hoof (tlhakoana). The exact explanation for the derision is a matter of debate. i)<blockquote><em>Mohlakoana Pholo’a Lisema! </em> Leila-ho-ngoatheloa, Leila-polokoe ea maobane! Bahlakoana ba bina pina bosiu; Bahlakoana ba tšoana le Bataung. A! Ekaka ba hlanyetsa senkhoana! Oa ma-Mahlatsi, Liea-ha-Mahlatsi ha le ke li khutla! Oa ma-mohoma o moholo. Ke motho oa Mosito le Napo! </blockquote> ii)<blockquote><em>Mohlakoana oa ma-Pholo’a Lisema! </em> Maila-ho-ngoatheloa, Maja-polokoe-kaofela. Bahlakoana ha ba je sengoathoana sa maobane. </blockquote> iii)<blockquote><em>Mohlakoana oa Lisema! </em> Ha u e-ea Tlhakoaneng u ee Mariha, U tla teana le lipolokoe patlellong; Hlabula teng ba futsoella bana matlung. </blockquote> iv)<blockquote><em>Bahlakoana ba ma-Napo’a Mosito! </em> Bahlakoana babo Pholo’a Lisema! [Kapa: Bahlakoana babo Tau ea Tihela] Bahlakoana le ba etele Mariha, Hoba Hlabula ba futsoella matlung; Ke batho bas a jeng ngoathoana sa maobane, Ba jang polokoe kaofela. Mabeoana abo Kali’a Tšolo Maila-ho-ngoatheloa Bahlakoana ba tšoana le Bataung, Bahlakoana ba bina pina bosiu. </blockquote> v)<blockquote><em>Mohlakoana oa ma-Pholo’a Lisema! </em> Maila-ho-ngoatheloa; Maja-polokoe-kaofela, a e re:mph! </blockquote> vi)<blockquote><em>Mohlakoana oa ma-Nkokoto! </em> Hlabane Rakolojane, thoto e eme; E ee habo Makhimisa, Habo Kau lekhalong. </blockquote> vii)<blockquote><em>Mohlakoana oa Mahaseng! </em> Lepotla-potla le ja poli, Mapena-matšoerane; Lesisitheho le ja khomo, Ramatenane’a Napo’a Mosito, Oa batho ba sa jeng sengoathoana. Mabeoana abo Kali, Maila-ho-ngoatheloa! </blockquote> viii)<blockquote><em>Mohlakoana oa Masheane’a Molapo! </em> Batho baneng ba bohloe ke khomo, Matsoa-letlalong! Ea ba ea re: ‘muu! Motho a hlaha! </blockquote> ix)<blockquote><em>Mohlakoana oa Napo’a Mosito! </em> Motebang, motho oa Napo! Motho oa Seliba sa ma-Napo! Oa mohloli o sa psheng, Tebang! </blockquote> x)<blockquote><em>Mohlakoana oa Pholo’a Lisema! </em> Maila-ho-ngoatheloa! Maja-polokoe kaofela a oosi. Batho ba lifaeng masihla-sihla, E ile eare ha ba li roala, ba li roala lifate! Motho oa morapall’a Lisema, O rapaletse khorong ea Nthopi. Seotsanyana-bito-thebeng, Ha se ke be se ee se obile manila Mosikong oa masaka. </blockquote> xi)<blockquote><em>Mohlakoana oa ha Napo’a Mosito! </em> Ho ne ho sitoe mang? Ho n’o sitoe ‘na Tlake Ranapjoane; Mopeli-moholo oa Raseapara-lome, Lome ha kea ikapesa Ke e apesitsoe ke batho ka boomo: Ke bo-Mohokong, Mohokong oa Pilo, Pilo oa Sekhele, Lipula li ka na, Tsa oa melubela, Tsa na matlopotlopo’a Nkole! </blockquote> xii)<blockquote><em>Mohlakoan’a Pholo’a Lisema! </em> Oa Tau ea Tihela! Bahlakoana le ba etele Mariha, Hoba Hlabula ba futsoella matlung. Mabeoana abo Kali’a Tšolo, Maila-ho-ngoatheloa, Maila-khoanchana ea maobane. Bahlakoana ba tšoana le Bataung, Bahlakoana ba bina pina bosiu. </blockquote> xiii)<blockquote><em>Mohlakoana! </em> Oa banareng ba ma-Tšanana. Oa ha Mabatla! Se-ka-pholo mor’a Moahloli, Tselana tooe u eang Mekoatleng, U kene ka Ratjela le Moeketsi. </blockquote> xiv)<blockquote><em>Mohlakoana Pholo ea Lisema,</em> Leila-ho-ngoatheloa, Motho ea sa jeng ngoathoana sa maobane, Oa Napo le Mosito, Ea jang feela ha ho theha ea liotloana, Ho theha e menyenyane. Ke letibi, ke lefiroane, Tsoene ea e cha senana e beleha. Ke koena, koenanyane, E a hlapa, e a theosa maliboho, Koena, koena tse ling ha li e je! </blockquote> xv)<blockquote><em>Mohlakoana oa ha Mantsane,</em> Lebeoana la bo-Kali, Maila-ho-ngoatheloa, Motho ea sa jeng sengoathoana sa maobane, Ea jang ha meriti e theha, Ho theha e menyane ea liotloana! </blockquote> xvi)<blockquote><em>Mohlakoana oa ha Teele’a Motaoana,</em> Maila-ho-ngoatheloa, Sengoathoana sa maobane, Maja-polokoe-kaofela! </blockquote>